चौतारी-चिन्तन

           नेपाल कम्युनिष्ट पार्टीका बौद्धिक युवा नेता तथा नागरीक उड्डयन मंत्री रवीन्द्र अधिकारीको फाल्गुण १५ गते बुधवार बिहान ताप्लेजुङको लिङखिम र फुरुम्बु गाऊंपालिकाको बीचमा रहेको सिस्नेखोलामा एमआई कलसाईन भएको एयर डाईनेष्टीको हेलिकप्टर दुर्घटनामा दुखद निधन भएको छ । हेलिकोप्टरमा पाइलट बाहेक ६ जना यात्रु सबार थिए । दुर्घटनामा परी सबैको निधन भएको छ । बिहान ८ बजे तेह्रथुमको चुवानडांडामा निर्माणाधिन विमानस्थलको अवलोकन गर्न काठमाण्डौबाट यात्रुहरु लिएर हेलिकोप्टर त्यस तर्फ उडेको थियो । त्यहांबाट फर्कंदा ताप्लेजुङको दाह्रेभीरमा ठोक्कीएर यान दुर्घटनामा परेको थियो । प्रतिकुल मौसमका कारण उद्दार कार्यमा कठिनाई भएको थियो । घटनास्थलबाट छतविक्षत भएका मृत शरिर उद्दार टोलीले फेला पारेको थियो ।   मृतकहरुमा मंत्री अधिकारी बाहेक पाईलट प्रभाकर जोशी, प्रधानमंत्रीका नीजी सचिव अर्जुन दाहाल, नेपाल नागरिक उड्डयन प्रधिकरणका उपनिर्देशक वीरेन्द प्रसाद शेरचन, यति एयरलाईन्सका आङछिरि शेर्पा, प्राधिकरणका इन्जिनियर ध्रुबदास र सुरक्षाकर्मी अर्जुन घिमिरे रहेका छन् । ...