चौतारी-चिन्तन

नेपाली भूमिमाथि को  भारतीय अतिक्रमण ले दिल्लीको मनशाय सफा नभएको संकेत गरिरहेको छ। भारतले नयाँ नक्शामा काली नदी पूर्वको नेपालको भूमि आफ्नोतिर देखाएपछि नेपालमा विरोधसंगै भारतप्रति आशंका र आक्रोश दुवै एकएक बढेको छ । त्यस क्षेत्रको कालापानीमा भारतीय सेनाले कब्जा जमाएको छ दशक भै सकेको छ । जम्मुकस्मिरको आन्तरिक विभाजनको अवसर पारेर पाकिस्तान नियन्त्रित कास्मिरलाई पनि उसले आफ्नो नक्शामा पारेको छ नै नेपाली भूभागलाई पनि यसै मेसोमा आफुतिर पारेको छ । एकजना चिनियाँ कुटनीतिज्ञका अनुशार सो नक्शामा चीनको भूमिलाई पनि भारततिर पारेर देखाईएको छ । भारतले भने नयाँ नक्शामा नेपाल तर्फ फेरबदल नगरिएको बताएको छ । नेपालमा भारतको बयानलाई विश्वास गरिएको छैन । अहिले नक्शा फेरबदल नगरिएको भन्ने मान्ने हो भने पनि नेपालको भूमिमा भारतिय सेनाले अतिक्रमण गरेको ६ दशक नाघिसकेको छ । भारत र चीनबीच विगत केही वर्षहरुदेखि उच्चस्तरको भेटघाट बाक्लिंदै गएको र नेपालसंग पनि नाकाबन्दीपछि केही सुध्रिंदै गएको ठानिएको सम्बन्धमाथि कालाबादलहरु अझै नहटिसकेको आशंका बढ्दै गएको छ ।   ...